Региональный фестиваль башкирских народных инструментов имени заслуженного работника культуры РБ З.Халилова

Күмертау ҡалаһында күренекле ҡурайсы, башҡорт халыҡ уйын ҡоралдары ҡурай һәм ҡумыҙҙы яһау оҫтаһы, Башҡортостан Республикаһының атҡаҙанған мәҙәниәт хеҙмәткәре Зыя Ишбулды улы Хәлилов исемендәге региональ фестиваль булып үтте. Фестиваль сиктәрендә үткәрелгән ҡурайсылар бәйгеһендә уҡыусыларыбыҙ уңышлы сығыш яһаны. Илһам Юлгилдин 1-се дәрәжәләге Лауреат исеменә лайыҡ булһа, Арсен Баязитов менән Аҡназар Ҡоҙашев (етәкселәре – Башҡортостан Республикаһының атҡаҙанған мәҙәниәт хеҙмәткәре Дәүләткирәй Хөсәйен улы Нәҙерғолов) дипломанттар булып танылдылар. Афарин, ҡурайсыларыбыҙ! Һеҙҙе еңеүҙәрегеҙ менән ихлас күңелдән ҡотлайбыҙ, киләсәктә яңынан-яңы ижади үрҙәр теләйбеҙ!