Юлдыбай ауылында инде ярты быуатҡа яҡын Йылайыр музыка мәктәбе..
Фанира Мустафина
Юлдыбай ауылында инде ярты быуатҡа яҡын Йылайыр музыка мәктәбе филиалы эшләй. Тәү башлап беҙҙең яратҡан уҡытыусыларыбыҙ Нәҙерғоловтар: Хәҙисә Ғабдулла ҡыҙы менән Рәжәп Хөсәйен улы эшләгән. Уларҙы әле лә ауыл халҡы йылы һүҙҙәр менән иҫкә ала. Артабан күп йылдар дауамында Баязитов Мансур Салауат улы ҡурай серҙәрен өйрәтте. Шулай уҡ был мәктәптә төрлө йылдарҙа Иҫәндәүләтова Фәридә Фәрит ҡыҙы, Заһитова Гөлфиә Рәшит ҡыҙы, Моталлапова Рәмзиә Хөрмәт ҡыҙы, Нәзирова Альбина Шамил ҡыҙы, Нәзирова Юлиә Шамил ҡыҙы, Ҡарасов Рөстәм Рафиҡ улы, Алгушаев Илшат Ишҡәле улы, Алсынова Илзирә Самат ҡыҙы эшләп киттеләр.
Әлеге көндә был мәктәптә фольклор класы (етәксеһе Мостафина Фәнирә Миңнебай ҡыҙы) уңышлы эшләп килә. Балалар төрлө музыка ҡоралдарында уйнарға, хорҙа ла, яңғыҙ ҙа йырларға, халҡыбыҙҙың ғөрөф-ғәҙәттәрен, йолаларын өйрәнәләр. Уҡыусылар төрлө байрамдарҙа, концерттарҙа, конкурстарҙа әүҙем ҡатнаша һәм юғары баһалар алалар. Февралдә Сибай ҡалаһында үткән “Йәш таланттар” зона конкурсында “Ынйылар” ансамбле һәм Нәҙерғолов Нәғим еңеү яулап март аҙағында Өфөгә юлланасаҡтар. Бөтә Рәсәй “Серпантин” сәнғәт фестиваль-конкурсында Ғилмутдинова Миләүшә, Атанғолова Динә, Нәҙерғолов Нәғим беренсе һәм икенсе урын алдылар. Әйткәндәй, “Сулпылар” телевизион конкурсында Миләүшәбеҙ 1 урын алһа, Нәғимебеҙ “Иң халыҡсан йырсы” итеп танытты үҙен. Өфөлә үткән “Аврора” республика ижади балалар конкурсында, Сибай ҡалаһында үткән “Виктория” патриотик йырҙар, “Сыңрау торна” конкурстарында ла беҙҙең уҡыусылар юғары урындарҙа булдылар: Рашович Лаура менән Солтанова Альмира 1, Баһаува Зарифа менән ҡыҙҙар вокаль ансамбле 3.
Әлеге ваҡытта уҡыусылар менән экзаменға, яңы конкурстарға әҙерләнеп, яңы маҡсат менән янып йәшәйбеҙ.
#Трезвоесело2022
#ТрезвоеселоЮлдыбай
#АйыҡауылЮлдыбай
#Зилаирскийрайон
#Йылайыррайоны
#ВсемирныйКурултайБашкир
#БөтәдонъяБашҡорттарыҠоролтайы
Видео от Фаниры Мустафиной
Видео от Фаниры Мустафиной
Видео от Фаниры Мустафиной
Видео от Фаниры Мустафиной
